Davao City – Pinasikad sa search warrant nga giisyu ni RTC 11th Judicial Region Tagum City Executive Judge Hon. Jimmy Boco, nadakpan atol sa CIDG Oplan Paglalansag Omega ug Oplan Big Bertha ang usa ka 37 anyos nga suspek.
Giidentipika ni PLTCOL Milgrace Driz, Criminal Investigation and Detection Group (CIDG) Davao Del Norte Field Unit Provincial Officer, ang suspek nga si Michael Golembayan, Jr.
Segun ni Driz gisilbi ngadto sa suspetsado ang search warrant sa Purok 3, Durian Avenue, Brgy. Madaum, Tagum City.
Nasakmit sa mga operatiba ang mobalor sa P78,000 nga gituohang shabu, .45 nga baril, mga bala ug magazines.
Gi-drug test usab ang suspek ug kasuhan og paglapas sa RA 9165 ug RA 10591.
RadyoMaN Aimee Guinita
Facebook Comments
