Dul-an sa 2,000 ka mga pasahero na stranded sa mga pantalan sa Cebu tungod ni bagyong Usman

Di mominus sa usa ka libo ug sayesyentos ka mga pasahero ang na-stranded sa mga pantalan dinhi sa Sugbo ug sa lalawigan sa Bohol tungod sa di maayong panahon nga dala sa bagyong Usman.
Base sa ulahing taho gikan sa Philippine Coast Guard Central Visayas karon buntag, anaa sa nubentay otso na ang ka rolling cargoes ug laing baynte singko ka mga vessels ang wa molawig karon adlawa ug gisuspenso ang biyahe.
Kasagaran sa mga gisuspenso nga biyahe mao ang paingon gihapon sa Leyte, Eastern Samar, Masbate og Sorsogon sanglit gipaubos kining mga lugara sa Signal No. 1.
Nagpabilin gihapon nga gipaubos usab ang northern Cebu lakip na ang Camotes Islands sa signal no. 1.
Awhag sa tigpamaba sa Philippine Coast Guard Central Visayas nga si Lt. Jr. Grade Michael John Encina, dili lang usa mosugal sa pagbiyahe sanglit ma-stranded gihapon ug matanggong ang mga pasahero kay way gitugotan una nga mobiyahe sa mga lugar nga apektado sa bagyo.
Gikatakda nga mo-landfall kini unyang gabii sa Eastern Samar.

Facebook Comments