Walay angay kabalak-an ang mga estudyante nga nalakip sa kapin 1,000 nga anaa sa waiting-list sa Caraga State University (CSU) gumikan kay sigurado silang dawaton kung magpa-enroll sa nasangpit nga kolehiyo.
Kini ang gipaklaru ni Dr. Jerold Arcede, director sa Office of Admission and Scholarshiop sa CSU human adunay kahadlok sa uban nga dili dawaton sa maong Unibersidad ang naapil sa waiting-list sa rason nga puno na ang tanang kurso.
Niya pa nga dawaton gihapon ang anaa sa waiting-list nga mga estudyante sanglit gihatagan sila ug konsiderasyon sa kolehiyo apan possible nga adto na sila mo-enroll sa kurso nga daghan pa’ng bakanti bisan ug dili maoy ilang gusto’ng kuhaon.
Adunay igung pribilihiyo ang mga estudyante nga daku ug score sa entrance exam nga mopili kung unsay kurso ang ilang kuhaon samtang mopili usab ug mga kwalipikadong estudyante ang mga department chairman sa kurso ilabina kadtong adunay board exam aron mamintinar ang taas nga passing percentage sa Unibersidad.
[image: csu.jpg]
