Nadagdagan pa ang bilang ng mga pasaherong gumagamit ng Parañaque Integrated Terminal Exchange o PITX.
Batay sa pinakahuling datos ng Department of Transportation (DOTr), umabot na sa mahigit 36,000 ang bilang ng mga naitalang pasahero sa PITX noong December 17.
Mas mataas kumpara sa mahigit 6,000 pasahero na naitala noong December 1.
Ayon sa DOTr, indikasyon ito na mas maayos na kooperasyon ng mga bus operator, bus driver at mga commuter.
Dahil dito, tiwala ang DOTr na higit pang mararamdaman ng mga pasahero at ng mga bus operator ang PITX kung magpapatuloy ang magandang kooperasyon ng lahat ng sektor.
Samantala, nilinaw ng DOTr na nananatili silang bukas na tumanggap ng suhestiyong para mapabuti pa ang operasyon ng PITX.
Facebook Comments
