Nadakpan ang gikatahong dummy sa mga Parojinog diri sa Cagayan de Oro City sa Martial Law Special Action Force (MSLAG) kaahapon pinaagi sa usa ka search warrant sa panimalay ni Rico Bacon sa Apovel Subdivision, Bulua ning siyudad
Nasakmit sa otoridad atol sa maong search ang usa ka Beretta 9mm nga nagtangag ug 13 ka bala, usa ka laing magazine sa 9mm nga armas, ug usa ka granada. Illegal possesion of explosive, firearms and ammunitions kon kalapasan sa R.A. 10591 ang possibleng atubangon nga kaso sa maong dinakpan.
Lakip nga na recover sa kapulisan ang 9 ka sachet sa gituohang ginadiling druga. Tungod niini, pasakaan usab sa kasong paglapas sa R.A. 9165 kon comprehensive drugs act ang nadakpang suspetsado.
Gibutyag ni Director Adrian Alvarino, Regional Ditrector sa PDEA-X , nga si Bacon usa ka sakop sa grupong Kuaratong Baleleng sa Ozamis City. Usa usab kini ka sinaligan sa mga Parojinog kinsa maoy caretaker sa mga kabtangan niini. Sa pagkamatay ni Parojinog gi angkon na ni Bacon ang mga gibiling property ni Parojinog pinaagi sa pagbalhin niini sa iyang kaugalingon pangalan.
