Giidentipika ang suspek nga si Juvy Batoctoy Serad, 30 anyos nga taga-Claver, Surigao, del Norte.
Sa imbestigasyon sa Tugbok Police Station, samtang gabyahe ang gireklamong drayber sa iyahang dump truck nga color orange nga adunay plate # KAL 007 hapit niini maligsi ang uban pang mga sakyanan sa Crossing sa Deca Homes, Brgy. Tacunan, Tugbok District, Davao City.
Dihang gi-flag down ang maong dump truck sa pulis wala kini nipatoo ug nilahos padulong Brgy. Mintal area, hinungdan nga gigukod na kini sa mga awtoridad ug naharang sa may Prk. Fatima, Brgy. Mintal, Tugbok District, Davao City.
Dihang gipangayo na ang lisensya niini nisupak ug giinsulto ang mga pulis
Gimanduan ang drayber nga munaog sa truck apan aksidente kining nahagbong ug matud pulis baho kini’g ilimnon.
Giisyuhan ang drayber citation ticket ug gikustodiya sa Tugbok Police.
RadyoMaN Aimee Guinita
