Usa ka dump truck ang naanod tungod sa ka kusog nga bul-og sa tubig didto sa may suba sa Dapitan, nga kung diin aduna kini sakay nga unom ka tawo.
Sa nahimong imbistigasyon, naila ang mga biktima nga sila si Federico Calunsag, Jun Obordo, Ihid Pioco, Lilia Ellobido, Ruth Pactorayan ug Joana Tuse, kini nga mga biktima ang nag quarry sa balas ug graba sa nahisgutan nga suba.
Dugang pa nasayran nga ang maong mga biktima mi senyas kini sa drayber sa dumptruck nga mo sakay samtang mitabok kini sa suba. Paglabang sa maong sakyanan wala kayaha ang ka kusog sa bul-og sa tubig hinungdan nga naanod kini apil na ang mga sakay niini.
Sa pagkakaron ang kapulisan sa La libertad padayon pa ang ilang search and rescue operation aron sa pag recover sa mga biktima tungod sa maong panghitabo.
