CAUAYAN CITY — IPINATITIGIL NG BAYOMBONG REGIONAL TRIAL COURT BRANCH 30 ANG PAGBABARIKADANG GINAWA NG MGA RESIDENTE AT ENVIRONMENTAL ADVOCATES NA TUMUTUTOL SA PAGMIMINA NG WOGGLE CORPORATION SA DUPAX DEL NORTE.
AYON SA KAUTUSAN, IPINAGBABAWAL SA MGA RESIDENTE, TAGASUPORTA, AT KANILANG MGA KINATAWAN ANG PAGPIGIL SA MGA TAUHAN, SASAKYAN, AT KAGAMITAN NG KUMPANYA NA PUMASOK SA LUGAR NG EXPLORATION SA SITIO KEON, BARANGAY BITNONG.
KINATIGAN NG KORTE ANG WOOGLE CORPORATION MATAPOS NITONG MAIPRESENTA ANG HAWAK NILANG EXPLORATION PERMIT NO. 00030-II MULA SA DEPARTMENT OF ENVIRONMENT AND NATURAL RESOURCES–MINES AND GEOSCIENCES BUREAU, NA SUMASAKLAW SA HUMIGIT-KUMULANG 3,101 EKTARYA SA MGA BARANGAY NG BITNONG, MUNGIA, OYAO, INABAN, AT PARAI.
IGINIIT NG KUMPANYA NA BAGO MAGSAGAWA NG OPERASYON, NAKIPAG-UGNAYAN NA UMANO ITO SA MGA LOKAL NA AWTORIDAD AT NAKUMPLETO ANG MGA KONSULTASYONG HINIHINGI NG BATAS.
NILINAW RIN NG KUMPANYA NA ANG ISINASAGAWANG AKTIBIDAD AY EXPLORATION WORK LAMANG AT HINDI KOMERSYAL NA PAGMIMINA, BAGAY NA TUMATALIMA NAMAN UMANO SA MGA ENVIRONMENTAL AT COMMUNITY STANDARDS.
SAMANTALA, KINONDENA NAMAN NG ILANG ENVIRONMENTAL GROUPS AT LIDER SIMBAHAN, KABILANG SI DIOCESE OF BAYOMBONG BISHOP JOSE ELMER MANGALINAO, ANG UMANO’Y HINDI PAGKAKAUNAWAAN NG MGA PULIS AT MGA NAGPOPROTESTA.
NANANAWAGAN ANG OBISPO SA MGA ELECTED OFFICIALS NA MANINDIGAN PARA SA KALIKASAN AT KATARUNGAN.
PALIWANAG NAMAN NG KORTE, PUMABOR ANG DESISYON SA WOOGLE DAHIL SA PAGKAKAROON NITO NG WASTONG PERMIT. NAGBABALA RIN ANG KORTE NA ANG PATULOY NA PAGHARANG SA OPERASYON AY MAAARING MAGDULOT NG IRREPARABLE INJURY SA KUMPANYA.
SA KAUTUSANG IBINABA NG KORTE NOONG OKTUBRE 14, 2025, PINALAWIG NITO ANG 72-HOUR TEMPORARY RESTRAINING ORDER NA UNANG INILABAS NOONG OKTUBRE 10, AT PALALAWIGIN PA NG 20 ARAW O HANGGANG OKTUBRE 30, 2025.
