“There is no magic formula (in peace-building).”
Kini maoy hagit nga giluwatan karon ni Presidential Peace Adviser Jesus Dureza atol sa usaka Peace Initiatives Forum sa usa ka unibersidad dinhi sa syudad sa Davao.
Matud ni Dureza, dili matapos ang konflikto dinhi sa atong nasud bisan pa man kun magpirmahay na kita sa usa ka ‘final peace agreement’ uban sa nagkadaiyang mga rebel fronts sama sa CPP-NPA-NDFP, Bangsamoro ug uban pang pundok-rebelde.
“We can not bring peace by military action alone,” dugang ni Dureza kinsa nagpasidaan nga dili kini makaresolba sa bangi kun magpabilin ang diskriminasyon, religious intolerance, sa mga ugat-hinungdan kun ‘root causes’ sa buruka-ideolohikal, relihiyon ug pulitikal.
“We must bring along the bigger table,” panapos sa peace advisor sa atong pamuno-nasud diin gitumbok niini ang kritikal nga papel sa publiko haron buntogon ang ‘unpeace’ kun kagubot ug kaguliyang.
Kagahapon, gipaluyuhan na ni Pres. Rodrigo Duterte ang Bangsamoro Basic Law kun BBL aron hisgotan ug aprobahan sa duruha ka hawanan sa atong asembleya-nasyunal nga maoy mohulip sa presenteng ARMM setup.
RadyoMaN June Duterte
