BACOLOD CITY – Nadakpan sang mga utoridad ang isa ka suspek sa kaso nga illegal drugs pasado las 8 kagab-i sa Purok Punay, Brgy. 16 diri sa ciudad sang Bacolod.
Nakilala ang suspek nga si Arlan Alintano, 43 anyos ang edad, soltero kag pumuluyo sang amo nga barangay.
Suno sa katapo sa intel operatives sang Police Station 1, nagbuko pa nga magpalagyo si Alintano matapos niya sini namutikan ang presensya sang police.
Ginpahayag nga ginbuko pa gid sang suspek nga ihulog ang isa ka gamay nga sachet sang suspected shabu sang iya na nakita ang mga police.
Natigayon nga ma-corner ang suspek kag ini ang nadakpan kon diin nakuha sa iya actual nga posesyon ang isa pa gid ka sachet sang ginapatihan shabu.
Dali-dali nga gindala sa Station 1 ang suspek para sa safety niya kag sang mga utoridad matapos nga ini sila ang gintipunan kag ginpalibutan sang madamo nga tawo sa lugar sang insidente.
Sa karon detained na sa custodial facility sang police station 1 si Alintano./dyHB BACOLOD
