ILOILO CITY – 90% nga kumpirmado na ang pagtambong ni Presidente Rodrigo Duterte sa ika-50 ka tuig nga selebrasyon sang Dinagyang Festival sa Enero 2018.
Ini ang ginpahayag ni Iloilo City Mayor Jose Espinosa III sa interview sang RMN Iloilo.
“Huo naconfirm na pero [te] ang presidente ya, nothing is final until he is there, finally. Kay ang presidnete ya all of the sudden may change. So, ginabutang ko lang sa 90% hindi nga 100% kay presidente na ya, there might be immediate concerns nga kinahanglanon ya gid nga hatagan sang atensyon,” ang kabahin sang pahayag ni Mayor Espinosa.
Ginhatagan pagtamod ni Espinosa nga apesar nagconfirmar na ang presidente, mahimo nga may mga pagbag-o pa nga matabo depende sa sitwasyon.
Isa ka halimbawa ni Espinosa ang natabo sa pagbisita sang presidente sa Russia kon sa diin wala ini nakapatapos kag nagbalik ang presidente sa Pilipinas bangod sa natabo sa Marawi.
Subong man, ginpahayag ni Espinosa nga naka-coordinate na siya sa Presidential Management Staff ni presidente Duterte para sa mga nagakadapat nga himuon ilabi na sa mga security protocols sa pagbisita sang presidente.
