Davao City – Gipahid ni Magdalo Partylist Representative Gary Alejano ang pagbasol sa gobyerno ni Pres. Rodrigo Duterte sa pagbakuna sa liboan ka mga bata gamit ang Dengvaxia vaccine.
Daw gimahay ni Alejano ang administrasyong Duterte kung ngano nadapatan sa Dengvaxia ang mga bata luyo sa kasayuran nga dili kini luwas sa mga walay dengue.
Sumala ni Alejano, sa panahon ni former Pres. Noynoy Aquino III kapin 300,000 ka bata lang ang nabakunahan, mas ubos kini itandi sa kapin 400,000 ka bata ilawom sa administrasyong Duterte.
Busa dili lang angay tumbokon si Pnoy sa isyu apan angay sab apilon ang kagamhanang Duterte gumikan kay gitugotan niini ang Department of Health (DOH) nga mapadayon ang mao nga programa.
Base sa impormasyon, anaa sa 700 milyones ka pesos ang commission nakuha sa gobyerno ni Pnoy gikan sa P3.5B nga Dengvaxia vaccine.
Apan kumbinsido si Alejano nga walay dautan nga tumong si Pnoy ug si Janeth Garin sa pagpalit sa mga bakuna gikan sa kumpanya nga Sanofi Pasteur.
Gipadayag pa sa magbabalaod nga wala siya’y bilib sa kagamhan sa anti-corruption campaign niini sa punto nga ang mga anaa sa oposisyon lang ang gi-target samtang ang mga anaa sa poder nga tataw nga nalambigit sa anomalya gipalabay lang ni Duterte.
RadyoMaN Joel Viray
