Davao City- Gilauman nga sa paglingkod ni City Councilor Bernard Al-ag isip Acting Vice-Mayor sa syudad sa Davao, ipadayon sa Davao City Council ang lig-on nga suporta niini ngadto sa mga programa ni Davao City Mayor Sara Duterte-Carpio.
Kini maoy pasalig ni Al-ag atol sa ‘Pulong-Pulong ni Pulong’ kagahapon gani ipadayon usab niya ang mga programang nasugdan ni resigned Vice-Mayor Paolo Duterte.
“Ang City Council patuloy na magbibigay ng strong support sa actions ni Mayor Inday Duterte and of course we will engage more with the public, there will be a easy access to information sa ating City Council and we will also strengthen our online presence sa lahat ng ginagawa ng konseho, sa aming agenda at discussions,” sulti ni Al-ag.
Matud sa incoming vice-mayor, walay mamahimong kausaban sa titulo kun bansagon sa media forum matag adlawng Martes diin nahimo kining platform haron mapadayag sa lokal nga balay-balauranan ang nahimong mga legislative programs and priorities niini.
Karong hapon na gikatakda ang pagpanumpa ni Al-ag aron opisyal kining mulingkod isip bise-alkalde ning dakbayan.
RadyoMaN Renz Barbarona
