Davao City – Angayan lang ikapasigarbo ang mga nahimo karon ilawom sa administrasyon ni Pres. Rodrigo Duterte tungod kay ilang nakita nga dunay gihimo ug resulta dili sama sa ubang mga presidente nga igo lang sa saad.
Sumala ni Benjamin Banzon, usa sa mga opisyal sa dakong hotel sa syudad, nga dako ug natabang kanila sa Hotel Industry tungod sa maayo ang dagan sa negosyo ingon man nakahatag usab og daghan’g mga oportunidad.
Matud ni Banzon, usa sa iyang gikonsiderang high points sa Duterte Regime mao ang kampanya batok korapsyon tungod kay duna gyud siya’y action nga gihimo – kampanya batok gidiling droga, kahusay ug kalinaw ingon man ang Build, Build, Build Program.
Samtang gisugyot usab ni Banzon sa pangulo nga maghinay-hinay sa iyang pagpanulti tungod kay dili tanan naka-angay.
RadyoMaN Bernard Pantallon
