Davao City – Nagtoo ang Philippine Drug Enforcement Agency (PDEA-XI) nga validated ug detalyado ang giingong bag-ong narco list kun drug matrix ni Pres. Rodrigo Duterte diin makita ang modus operandi sa mga tawong nagdula sa gidiling droga.
Sumala ni PDEA-XI Information Officer Noli Dimaandal, daghang ahensya sa gobyerno ang nag-validate niini aron maseguro nga dili kini hinimo-himo lang aron dauton ang usa ka tawo.
Matud usab ni Dimaandal, angayan gyud ibalik ang death penalty sa mga nalambigit sa droga aron dunay ngipon ang balaud ug mahadlok ang tawong magbuhat niini.
Gipasabot usab sa PDEA information officer nga angay usab lutoson ang tanang mga prosecutors nga maoy nagpasiugda sa ‘plea bargaining agreements’ uban ang pasidaan nga angay lamang gayud tumanon kung unsay anaa sa balaud aron masumpo nato sa hingpit ang illegal drug trade.
RadyoMaN Bernard Pantallon
