Ginpahanumdom sang grupo nga Teachers’ Dignity Coalition (TDC) si Presidente Rodrigo Duterte sang iya pangako sa mga manunudlo sadtong campaign period nga pataasan ang sweldo sang mga manunudlo.
Ginhimo sang TDG ang pahayag kasunod sang mando nga kuhaon na ang tanan nga loan payments sa sweldo sang mga manunudlo gani tuman na ka gamay ang take home pay sang mga ini.
Halin sang ginpatuman ang mandated nga deduction sadtong Hulyo 31, manubo pa sa mandated take home pay nga P4,000 ang nabaton sang mga manunudlo samtang may iban nga masobra lamang sa isa ka gatos ang ila nabaton.
Suno kay Banjo Basas spokesperson sang TDG, kun dako ang sweldo sang mga manunudlo indi na nila kinahanglan nga magpangutang.
Una na nga ginpangako ni Duterte kag running mate sini sadto nga si Alan Peter Cayetano nga subong amo na ang foreign affairs secretary nga magahatag sila sang across the board nga P10,000 nga saka sa sweldo.
Panawagan ni Basas kay DepEd Sec. Leonor Briones, pahanumdumon si Duterte sa iya pangako sa mga manunudlo.
