Ginpahayag ni Presidente Rodrigo Duterte nga mahimo makahiwat sang hublag protesta ang mga militante nga grupo bisan sa sulod pa sang isa ka bulan.
Apang ginpahayag sang Presidente nga iya siraduhon ang EDSA kag i-reroute ang trapiko para sa convenience sang publiko.
Ginhangkat ni Duterte ang mga militante nga grupo nga magprotesta sa sulod sang tatlo ka adlaw kag bisan sa sulod pa sang isa ka bulan kon luyag sang mga ini.
Suno kay Duterte, makasarang siya nga tolerahon ini apang indi siya makahambal para sa publiko.
Liwat naman ginpahanumdom ni Duterte sa mga raliyista nga siguruhon ang kalinong sa ila hublag prostesta sa maabot nga September 21.
Una diri, nagpaandam na si Duterte nga magagamit siya sang puwersa batok sa mga raliyista kon indi mapabilin ang kalinong kag katawhay sa tion sang hublag protesta.
(photo from web)
