Ginhatagan ni Pangulong Rodrigo Duterte ang iya kaugalingon sang “passing rate” para sa iya pagpungko sa gobyerno sa tunga tunga sang iya termino.
Para kay Duterte, 5 ukon 6 nga rate ang iya mahatag sa iya kaugalingon sa sulod sang halos tatlo ka tuig sa pwesto.
Matandaan nga sa pagpungko sini sa pwesto, dala niya ang kampanya batuk sa iligal nga droga, kriminalidad, kurapsyon kag madamo nga iban pa.
Apisar sa pagpakamalaot sang mga kritiko sa nasambit nga mga kampanya, padayon ang pagpatuman ni Duterte sa mga nasuguran na niya tubtob matapos ang iya termino, labi na ang batuk sa droga.
Una na nga ginpahayag sang presidente nga mas naglala ang drug situation sa pungsod kadungan sang pahayag nga iya pagalagson ang mga drug traffickers. /rcsg
Facebook Comments
