Ginmandu ni Pangulong Rodrigo Duterte ang pag-abolish ukon pagdula sang Negros Island Region nga ginporma sadtong 2015.
Ginpirmahan ni Duterte ang Executive Order No. 38 sadtong Lunes, nga naga-revoke sang EO 183 nga ginpirmahan ni anay Pangulong Benigno “Noynoy” Aquino sadtong May 29, 2015 nga nagaporma sang Negros Island Region kun sa diin lakip diri ang Negros Oriental kag Negros Occidental.
“Revocation of EO No. 183. EO No. 183 creating the NIR is hereby revoked. The provinces of Negros Occidental and Negros Oriental shall revert to Region VI and Region VII, respectively,” suno sa latest EO sang pangulo.
Ginmandu-an man sini ang Department of Interior and Local Government nga pangunahan ang pagpabalik kag pagpakakas sang mga regional councils kag offices nga dapat matapos sa sulod sang 60 ka adlaw matapos ini ma-publish sa dyaryo.
Sadtong October 2016, ginpahayag ni Presidential Assistant for the Visayas Michael Dino nga posible ma-abolish ang NIR bangud indi kaya sang gobyerno ang PhP 19 billion nga pondo para matukod ang nasambit nga rehiyon.
—————-
LIKE OUR OFFICIAL FACEBOOK PAGE: www.facebook.com/ifmbacolod943
