Nakita ang masobra 1 billion pesos nga bank transactions ni presidente Rodrigo Duterte kag ang iya pamilya base sa nagapadayon nga imbestigasyon sang Office of the Ombudsman santu sa complaint ni Senator Antonio Trillanes IV.
Ginconfirmar ni Overall Deputy Ombudsman Arthur Carandang nga nagrequest sa ila sang bulig ang Deputy Ombudsman sa Mindanao agud i-validate sa Anti-Money Laundering Council (AMLC) ang listahan sang bank transactions ni Duterte halin sang alkalde pa ini sa Davao City.
Sang Agosto, naghingyo ang Ombudsman sa AMLC nga maghimo sang bank inquiry kag isumite ang final report angot sa gina-alegar billiones nga bank account ni Duterte.
May kopya na karun ang Ombudsman sang bank records halin sa AMLC kag suno kay Carandang, ‘more or less’ pareho man sa dokumento nga ginsumite ni Trillanes.
Kon may iregularidad kon anomaliya sa mga bank records ni Duterte, ini pa karun ang pagapadalman kag imbestigahan sang AMLC.
Madumduman nga sang Setyembre 26 kadungan sang 120th anniversary celebration sang Department of Justice (DOJ), ginpahayag ni Duterte nga manaog siya s apwesto ora snga mapamatud-an ang mga alegasyon batok sa iya.
“Kung may makaturo lang na totoo, na meron akong deposit na kahit $1 diyan sa Hong Kong, I will step down as President of the Republic. I live by the values na nakuha ko sa tatay ko pati sa nanay ko.”
