Davao City – Gipasalig ni Presidente Rodrigo Duterte nga mapadali ang himuong pag rehabilitation ug permanenteng puy-anan sa mga bitkimas sa linog aron mabalik na sa normal ang ilang kinabuhi.
Kini ang tipik sa mensahe sa presidente dungan sa pagtunol niini karong adlawa, December 30, 2019 sa tabang pinansyal sa mga nalinogan sa probinsya sa Davao del Sur.
Gitunol sa presidente ang kantidad nga P10 million sa Davao del Sur diin gidawat kini sa Local Government Unit pinaagi ni Governor Douglas Cagas nga gipahigayon sa Cor Jesu College Almendras Gym, Digos City.
Una niini mibisita usab ang presidente sa probinsya sa Cotabato ug mitunol og P5 million sa lokal nga gobyerno sa lugar partikular na sa mga munisipalidad sa M’lang ug Arakan ingon man mi apod-apod og mga food packs sa mga apektadong pamilya.
RadyoMaN Kirby Manzon
