Davao City – Lahi nga liderato kung itandi sa ubang nahimong presidente sa nasud ang presenteng pamunoan ni Pres. Rodrigo Duterte.
Sumala ni Dr. Adrian Tamayo, Information Chief sa Mindanao Development Authority (MinDA), base sa iyang 10-point socio- economic agenda natuman niya pinaagi sa mga extra nga pamaagi sama pananglit sa natanggong nga Freedom of Information Bill, gihimo niyang executive order ug dunay administrative order aron mapadali ang paglambo sa rural areas, mga balaud aron matagad ang mga nagkinahanglan, mga butang nga lisud makuhaan ug budget apan karon iyang nahimo, lakip na usab ang paglimpyo sa mga buhatan sa gobyerno gikan sa korapsyon ug uban pa.
Tungod sa gihimo sa atong pamuno-nasud ilawom sa iyang pagdumala, makonsidera ang iyang gobyerno nga adunay strong bias kun pagkiling ngadto sa mga yanong tawo tungod kay consistent kini sa pagdepensa sa ilang mga katungod.
Giklaro usab ni Tamayo nga adunay nahimo ang pangulo subay sa batakang balaud nga mitubag sa nagkadaiyang mga hagit kun challenges sa atong panahon.
RadyoMaN Bernard Pantallon
