Indi magduha-duha si Pangulong Rodrigo Duterte nga magbuya sa pwesto kun may bata siya nga madalahig sa isyu sang kurapsyon.
Ini ang ginpahayag sang presidente ang nagtambong ini sa Philippine Development Forum: Sulong Pilipinas 2017 sa Mandaluyong City.
Suno kay Duterte, tigulang na siya kag indi ini magtapik sa pwesto kun mismo pamilya niya ang madalhig sa kurapsyon.
Ini may kaangtanan sa kontrobersiya sa Bureau of Customs (BoC) kun sa diin nagwa ang ginapatihan Davao Group nga nagatumod sa anak ni Pangulong Duterte nga si Davao City Vice Mayor Paolo Duterte sa sinuhulay sa sulod sang Customs.
Suno kay Pangulong Duterte, kun may yara sang makapamatuod sa “intervention” ukon pagpanghilabot sa isa man sa iya anak ukon pamilya sa mga government transaction, indi ini magdugay sa pwesto kag gilayon nga ma-resign.
Dugang pa sang presidente nga bisan isyu pa lang sang kurapsyon, gilayon sini nga sipa-on ang madalahig nga opisyal.
Wala labot sa kurapsyon, liwat nga gintalakay sang pangulo ang kampanya batuk iligal nga droga kag ang terorismo sa pungsod.
———————
LIKE OUR OFFICIAL FACEBOOK PAGE: www.facebook.com/ifmbacolod943
