Davao City – Daku ang pagpasalamat sa Muslim sector sa syudad human nahimong presidente sa Pilipinas si Pres. Rodrigo Duterte tungod kay ilang nakita ang katakos niya dili lamang dinhi sa syudad sa Davao.
Sumala ni Samer Along, Davao City Madrasa Program Officer, adunay mga programa ang Presidente sa Muslim Sector sa Pilipinas ilabi na sa Mindanao di’ susama sa mga nakalabay’ng administrasyon ug dako ang ilang paglaum niini nga mapatuman sama na lamang sa Bangsamoro Basic Law (BBL).
Samtang nagtoo usab sila nga dili dektador si Pres. Duterte tungod sa mga disiplina nga gipatuman niini.
Matud ni Along ang maong mga patakaran o palisiya nadawat na sa mga tawo.
Giklaro usab ni Along ang kabahin sa kampanya sa droga ug krimen inanay nang nakita ang kausaban tungod kay nanggawas na ug dili usab madali pagpakgang tungod sa kadako sa nasod.
RadyoMaN Bernard Pantallon
