Davao City – Gikapoy na ang presidente sa pagsige og hatag og higayon sa hut-ong sa mga rebelde nga mag-istorya ug maghimo og kasabotan alang sa gitinguhang kalinaw apan pakyas gihapon.
Sumala ni Felipe Noel Dacalos sa Couples for Christ, luyo sa gihimong paningkamot ni Pangulong Rodrigo Duterte kaniadto pa mayor pa siya, dili gihapon magkasinabot hinungdang iya nang gisirad-an ang ganghaan sa pakignegosasyon ug gideklara silang mga terorista ug arestohon ang ilang mga legal fronts.
Apan malaumon gihapon si Dacalos luyo niining gihimo karon sa pamunong-nasud sa mga rebelde nga makab-ot gihapon ang kalinaw pag-abot sa tukmang panahon.
Giingon niya usa ka open secret, ang alegasyon sa militar batok sa mga rebelde pinaagi sa ilang mga legal fronts nga mangayo o kolekta tungod kay sila mismo nakasinati niini.
Niini nga sitwasyon naghangyo siya nga atong i-ampo kining mga nagapanghitabo karon tungod ug alang sa kalinaw sa atong nasod.
RayoMaN Bernard Pantallon
