Duterte namulong sa 31st ASEAN Summit

19

Namulong na bag-ohay pa lamang si Pres. Rodrigo Duterte atol sa pormal nga pagbukas sa ASEAN Summit 2017 dinhi sa atong nasud tinambongan sa nagkadaiyang mga world leaders nga nitambong karon ning high-level regional meet.

Sa iyang mensahe, gibatbat sa atong pamuno-nasud, kinsa maoy rotating chair atol sa ika-50th ASEAN anniversary ang mga nag-unang issue sama sa ASEAN Community Vision 2025, regional ug international matters kalakip ang piracy, droga, radical extremism ug uban pa.

Ang sesyon karon maoy plenary sa hataas nga kutay sa mga pre-ASEAN conferences nga gilakipan usab sa ASEAN Meeting bag-ohay pa lamang didto sa Da Nang, Vietnam.

Ang Manila conference gisugat usab sa mga rally ug protesta sa mga progressive ug militant organizations sa nasud nga nahimong tensyonado gumikan sa init nga aktibidad sa mga kontra sa gobyerno.

Gikatakda usab karong adlawa ang sunod-sunod nga bilateral talks tali kang Duterte ug ang mga visiting dignitaries sa mga ASEAN member-countries ug ang gitawag nga mga ‘dialogue partners.’

RadyoMaN June Duterte

Facebook Comments