Sa makausa pa, nabatonan sa Duterte administration and labing hataas nga ‘positive approval’ ug ‘trust ratings’ base sa Fourth Quarter sa tuig 2017 sa Pulse Asia survey.
Sa regular Monday palace presser, gisugilon ni Presidential Spokesperson Harry Roque nga nabatonan ni Pres. Rodrigo Duterte ang 80% positive approval ratings tupad sa 82% trust ratings.
Matud sa tigpamaba sa palasyo, pagpamatuod lamang kini nga dawat sa mayoriya sa katawhan ang mga palisiya ug prayoridad sa rehimen uban ang hagit sa nasud nga suportahan ang mga programang gidisenyo aron paspasan ang progreso ug kalamboan sa mga Pilipino.
Sa maong Pulse Asia survey, nigula usab ang mga datos nga sa mga top government officials, si impeached Supreme Court Chief Justice Maria Lourdes Sereno maoy nakadawat sa pinakadaku nga 26% ‘disapproval ratings’ ug 33% ‘distrust ratings.’
Ang nationwide survey gisalmotan sa 1,200 representative adult respondents niadtong December 10-15 ug 17 niadtong nilabay nga tuig.
Ang maong survey nagtagana sa plus or minus 3% ‘margin of error’ ug 95% ‘confidence level.’
RadyoMaN June Duterte
