Davao City- Andam ang Pilipinas mudawat og tabang gikan sa mga langyawng nasod nga sama sa USA, China ug Russia batok sa nagpadayong gubat didto sa Marawi.
Mao kini ang gisulti ni Presidente Rodrigo Duterte sa iyang pamulong sa gihimong 11th Ambassador’s Tour Philippine Reception kagabii sa SMX Convention Center, Davao City.
Gipaniguro sab ni Duterte nga mutuman gihapon ang nasod sa 1951 Mutual Defense Treaty (MDT) sa Amerika ug Pilipinas bisan pa og nagadawat na kini og tabang gikan sa laing nasod.
Sa susamang speech, gipatin-aw ni Duterte nga ang tahas lamang niya isip presidente sa nasod mao ang pagprotektar niini sa mga tawo nga buot kining gubaon.
Usa sab sa mga nahisgotan ni Duterte mao ang problema sa drogas dinhi sa nasud nga mao usay hinungdan sa padayong pagsaka sa krimen sa Pilipinas.
“The one thing that I hammered on nung nagkakampanya ako was the deterioration of the law and order of this country …” giingon sa Presidente.
Sa pikas bahin, gidugang ni Duterte nga buot niyang mubalik sa Marawi aron istoryahon ang mga sundalo kalabotan sa gubat sa maong lugar.
“I will not go there when there is already a celebration of peace, I have to go there and just talk to the soldiers on the frontline” gikanayon ni Duterte.
Gisaysay usab sa pamuno-nasod nga dili niya tugotan ang korupsyon ug mga pagpangabuso atol sa iyang administrasyon.
Gipahinumduman sab niini ang mga government officials nga dili mamahimong mapahitas-on gumikan lamang sa gahom nga anaa kanila, “We are not special breed. We are just workers of government. We are paid to work. We are not paid to strut around.”
Kasamang Abi Bibera
tags: Mindanao, Davao City, DXDC, DXDC 621, Abigail Bibera, President Rodrigo Duterte, 11th Ambassador’s Tour
