Duterte Pluses: Social legislation, political capital

18

Davao City – Daghan nang napasar nga gikonsiderang ‘social legislation’ nga nakatabang ug daku diha sa mga batakang panginahanglanon sa katawhan ilawom sa Duterte administration sulod sa unang tulo ka tuig.

Sumala ni Ateneo De Davao University (ADDU) Political Science Prof.Ramon Beleno III, gilangkuban kini sa libreng tuition, hospital assistance pinaagi sa Universal Health Care Law, bayronon sa mga requirements sa mga bag-ong nag-apply ug trabaho, pagpaubos sa presyo sa mga palaliton, Rice Tariffication Law, mga bag-ong balaud, mga benepisyo sa mga trabahanteng babaye sama sa Extended Maternity Leave ug uban pa.


Matud ni Beleno, usa sa nakanindot niini tungod kay adunay ‘political capital’ kun balwarte-pulitikal nga kasandigan ang Duterte regime sa mga panahon nga kwestionon kun sitahon kini sa mga kritiko ug political opposition ug ilang mga kaalyados ang track record ug performance niini.

Samtang sa mga angayang mahikutar pa sa unahan naglakip sa kung unsa ang hingpit nga foreign policy sa Pilipinas tungod kay hangtud karon tulo na ka tuig walay klaro ilabi na ang nahitabo sa Recto Bank, kalambigitan nato diha sa mga international organization sama sa UN, ang kontrobersyal niini nga war on drugs ilabi na sa kwestyon kung unsay padulngan niini ug uban pang mga critical issues nga gisagubang niini sa pagkakaron.

Gilauman usab nga hisgutan sa presidente diha sa iyang ika-upat nga SONA ang gi-target nga charter change kung mahinayon, ipadayon pa ba niya ang Pederalismo ug unsa pang mga economic legislations nga rumbong mapundar tungod ug alang sa progreso sa nasud-Pilipinas.

RadyoMaN Bernard Pantallon

Facebook Comments

From Advertisers