Davao City – Gitawag ni USAFFE Supreme Leader International Atty. Elly Pamatong si Pres. Rodrigo Duterte nga naliso-an na sa panghuna-huna.
Sumala ni Pamatong nga ang pagpasa sa gahum sa pagka-pangulo kang Sen. Chiz Escudero ug kanhi Senador Bongbong Marcos nagpakita lang nga nausab na ang dagan sa hunahuna ni Duterte.
Matud ni Pamatong, sa panahon mahingpit ang iyang pag-angkon sa pagkapresidente sa nasud dili niya buot ipapreso si Duterte inay iyaha kini patambalan sa psychiatrist aron maulian.
Ug kung maayo na ugaling dinha pa lutuson ni Pamatong ang pamuno-nasud aron mapreso gumikan matud pa sa pamatay ug kuropsyon nga hisgutanan.
Gipunting pa niini ang rason nganong dili mahunong ang kurapsyon kana tungod kay sagad sa mga naa sa gabinete sa Duterte administrationmao ra sa’y mga kurakot.
Apan nagduda ang international lawyer nga pasiatab lang sa kanhi mayor sa siyudad nga mukanaog kini sa gahum sanglit ang tinuod walay laraw ang pamuno-nasud nga mubuhi gikan sa katungdanan.
Samtang gipikhan usab niini si Vice President Lenie Robredo gumikan sa kakulang sa igong kapasidad sa paggunit sa taas nga posisyon.
RadyoMaN Joel Viray
