Liwat na naman nga nasal-ot ang ngalan ni Iloilo City Mayor Jed Patrick Mabilog sa isa ka pagtililipon kahapon nga gintambungan ni Presidente Rodrigo Duterte.
Nagapati si Duterte nga ang pabuya ni Mayor Mabilog nga isa ka milyon para sa makatudlo sang durugista, isa ka tikang agud dayawon ini sang presidente.
“Bobolahin pa ako ng putang ina. ‘Wag mo akong salsalin ng ganun. Ang tagal ko na sa gobyerno. Ililibing na nga ako e,” ang pahayag ni Duterte.
Suno kay Duterte bilib siya sa kaisog ni Mabilog.
“Bumilib lang ako sa kanya kasi matapang siya. Sabi niya bigyan niya daw ng P1 million ang taong magturo sa kanila, ang mga drug people,” ang sarkastiko nga pahayag sang pangulo.
Nahibaluan nga naghatag ang Iloilo City Government sang P500,000 nga pabuya sa makatudlo kay Richard Prevendido alias Buang, ang number 1 drug lord sa Western Visayas kag ginsundan man ini sang provincial government nga naghatag man sang tunga sa milyon nga pabuya.
Baliskad sa pagpati sang presidente, wala sang 1 milyon nga pabuya nga ginahatag si Mabilog para sa makatudlo sa mga involve sa iligal nga droga sa Iloilo City.
Una na nga ginpahayag ni Duterte nga nag-eskapo si Mabilog sa Japan sa pihak nga nagtambong ang alkalde sa isa ka Disaster Management Conference.
Ginpahayag naman ni Presidential Spokesperson Ernesto Abella nga may kaugalingon man nga pag-intindi ang presidente sa sitwasyon.
