Ginhangkat sang Malakanyang si anay Iloilo City Mayor Jed Patrick Mabilog nga magpauli sa Pilipinas kon matuod nga limpyo ang iya konsensya.
Ginpahayag ni Presidential spokesman Harry Roque nga ang pagpalagyo ni Mabilog ang patimaan nga “guilty” ini sa akusasyon nga protector sang illegal drugs.
Apang kon wala siya sang sala, dapat nga magpauli ini sa pungsod kag diri depensahan ang kaugalingon.
Ginhatagan pagtamod ni Roque nga wala sang personal nga kaakig si Pangulong Duterte kay Mabilog.
Ini kasunod sang padayon nga paglamita sang Presidente sa anay alkalde sa illegal drug trade kag yuara sa gihapon sa drug list sang PNP kag militar.
Indi naman luyag pagsapakon sang Malakanyang ang mga pabati-bati sang asawa ni Mabilog nga si Mrs. Marivic Mabilog nga gintawag nga “psychopath” ang Presidente kasunod sang pamahog ni Duterte nga pagapatyon gid sini ang anay alkalde sang siyudad.
