Gitino karon sa palasyo sa Malacañang nga walay paryente o mga higala sa presidente nga gitugtang makig-transaksyon o mag-negosyo ilawom sa landong sa gobyerno.
Sa news presser karong buntag, gitino ni Presidential Spokesperson Harry Roque nga gi-reiterate ni Pres. Rodrigo Duterte ang mando niini nga walay gitugtang Duterte o mga tawong haduol sa pamuno-nasud nga mahilambigit sa bisan unsang aktibidad sa pamunuan.
“The President reiterates his prior instruction to ignore government transactions (by his relatives or friends),” matud ni Roque.
Pikas bahin, giklaro ni Roque nga gi-hold in abeyance kun gipadaplin lamang usa ang pag-anunsyo sa Malacañang sa lain na usab nga high-ranking presidential appointee nga taktakon sa pangatungdanan.
“I was tasked to announce that he was terminated,” matud sa tigpamaba. Hinoon, adunay mga datos nagkanayon nga ang pagsipa sa maong opisyal may kalambigitan sa ‘legislative charter’ sa maong ahensiya.
Hinoon, gikumpirma ni Roque nga ang taktakon nga opisyal wala maggikan sa Philippine Charity Sweepstakes Office (PCSO).
RadyoMaN June Duterte
