Davao City – Gitay og og magnitude 5.0 nga linog ang Davao Occidental alas 2:35 kagahapon sa kadlawon.
Base sa record sa Philippine Institute of Volcanology and Seismology (PHIVOLCS), tectonic ang tinubdan sa maong linog nga dunay 217 km ang gilay-on sa sidlakang bahin sa Sarangani, Davao Occidental ug dunay giladmon nga 100 kms ug gisundan kini sa magnitude 3.1 alas 7 sa buntag kagahapon.
Dugang niini, sa Manay, Davao Oriental, sunod-sunod nga gitay og ang maong lugar og linog diin ang unang natala mao ang magnitude 3.2 alas 10:39 sa buntag kagahapon ug magnitude 3.1 pag abot sa alas 10:52 sa buntag, gani natala usab ang magnitude 3.0 alas 11:42am, magnitude 3.1 alas 12:14, magnitude 4.3 ala 1:33pm, magnitude 3.3 alas 2:08pm, magnitude 3.7 alas 2:50pm, magnitude 3.4 alas 6:54pm ug magnitude 2.6 alas 8:46pm sa susmang adlaw.
Samtang kaganinang alas 12 sa kadlawun, magnitude 2.4 ang natala sa Don Marcelino, Davao Occidental ug magnitude 2.7 sa Jose Abad Santos sa Davao Occidental pagka ala 1:58 kaganinang kadlawun.
Sa tanang mga linog, base sa record sa PHIVOLCS, walay laumang damyos ug aftershocks niini.
RadyoMaN Renz Barbarona
