Ang subpoena duces tecum usa ka mando sa korte nga magmando sa tawo nga dad-on sa korte ang mga dokumento nga gilatid niini.
Kini ang gibutyag ni Atty. Dale Mordeno sa programang Straight to the Point- Kuskos Batikos ni Radyoman Zaldy Ocon 1st edition sa dxCC-RMN Cagayan de Oro.
Matud ni Atty. Mordeno nga kung ang usa ka tawo usab manduan sa korte aron lamang sa pagtestigo sa usa ka butang nga gustong dunggon sa korte, pagatawgon usab kini nga subpoena ad testificandum.
Dugang pa ni Atty. Mordeno nga kini nga mga kamanduan imando sa korte ilabina kung dunay manumbong apan kulang ang iyang ebedensiya kay dunay dokumento nga wala kaniya.
Samtang mandatory nga motunga ang usa ka tawo kung ang huwes magpadala og order nga subpoena duces tecum kaniya.
Matud ni Atty. Mordeno nga sa dili pa i-isyu sa korte ang maong kamanduan, sutaon usa niini kung unsa ang katuyoan kay posible lamang kini nga maglangan-langan sa walay hinungdan.
Dugang pa ni Mordeno nga kini mao ang gitawag nga mga compulsory processes nga puwedeng i-imposar sa korte diin mahimong ma-contempt niini ang usa ka indibidwal ug mapreso.
