Magprograma live sa Barangay Camaman-an ang dxCC-RMN Cagayan de Oro sugod sa alas 7 hangtud alas 9 karong buntag.
Linawas nga makita sa katawhan ang mga anchors/ reporters sa estasyon atol sa maong kalihukan.
Sa dili pa ang live program, mga alas sais sa buntag, magpahigayon una ang dxCC-RMN og mga parlor games isip paghatag lingaw ug pahalipay sa katawhan.
Matagaan usab og pagtagad ang mga concerns sa mga residente pinaagi sa pagpaabot niini ngadto sa mga opisyales sa Barangay Camaman-an.
Direkta usab nga mapaabot sa katawhan ngadto sa mga department heads sa City Hall ang mga concerns nga dili na kayang matubag o masulbad sa mga barangay officials.
Gi-andam na usab sa dxCC-RMN personnel ang mga ginagmayng pahalipay ingonman ang libreng snacks nga mahatag ngadto sa katawhan nga mosaksi sa programa.
Human sa live program, duna pay ihatag nga mga serbisyo ngadto sa katawhan uban ang mga department heads sa City Hall.
Lakip sa mga serbisyo nga mapahimuslan sa katawhan sa Barangay Camaman-an ang libreng medical check-up, libreng ibot sa ngipon, libreng binhi sa mga prutas ug utanon, libreng rabbies vaccination sa mga iro, libreng Philhealth registration, libreng rehistro sa mga walay birth certificate, libreng tambal, libreng arroz caldo ug uban pa.
