Magprograma live sa Barangay Patag ang dxCC-RMN Cagayan de Oro sugod sa alas 7 hangtud alas 9 karong buntag.
Linawas nga masaksihan sa katawhan ang programang Straight to the Point-Kuskos Batikos ni Konsehal / RadyoMaN Zaldy Ocon uban ang mga anchors / reporters sa estasyon.
Sa dili pa ang live program, mga alas sais sa buntag, magpahigayon una ang dxCC-RMN og mga parlor games isip paghatag lingaw sa katawhan.
Matagaan usab og pagtagad ang mga concerns sa mga residente pinaagi sa pagpaabot niini ngadto sa mga opisyales sa Barangay Patag.
Direkta usab nga mapaabot sa katawhan ngadto sa mga department heads sa City Hall ang mga concerns nga dili na kayang matubag o masolusyonan sa mga barangay officials.
Gi-andam na usab sa dxCC-RMN personnel ang mga ginagmayng pahalipay ingonman ang libreng snacks nga mahatag ngadto sa katawhan nga mosaksi sa programa.
Human sa live program, duna pay ihatag nga mga serbisyo ngadto sa katawhan uban ang mga department heads sa City Hall.
Alayon niini, karon palang nagpasalamat na ang dxCC-RMN ngadto sa tibuok Barangay Council sa Patag ilabina kang Kapitana Mary Cor R. Calizo sa pagwelcome niiini nga kalihukan.
