Gidagsa sa mga residente sa Barangay Agusan ug kasikbit nga mga barangay ang gihimong dxCC-RMN Live sa Barangay kaganihang buntag.
Sayo pa sa buntag nanghatag na og pa premyo ug kalingawan ang dxCC-RMN pinaagi sa dulang Ashigo o Kwarta.
Apan, pakyas gihapon ang mga residente nga makuha ang 25-mil pesos maong sa sunod nga dxCC-RMN Live sa Barangay mamahimo nang 30-mil pesos ang jackpot prize sa Ashigo o Kwarta.
Pasado alas siyete sa buntag, gihimo ang live program sa Straight to the Point – Kuskos Batikos uban ni Konsehal / RadyoMaN Zaldy Ocon.
Sa maong programa, nahatagan og kahigayonan ang mga residente nga mapaabot ang ilang mga hangyo o problema ngadto sa mga opisyales sa barangay ug mga department heads sa City Hall nga gipangunahan nila City Administrator Teddy Sabugaa ug Sir Oliver Egypto, Head sa Office for Community Affairs.
Lima sa mga residente ang nakadawat sa tag 200 pesos sa pa- raffle ug usa ka gatus ang gigahinan og gift packs gikan sa dxCC-RMN.
Gawas sa mga serbisyo nga gihatag sa dxCC-RMN, mihatag usab sa ilang mga serbisyo ang mga taga city hall pinaagi sa tabang Medico ni Mayor Oscar Moreno.
Sa maong kalihukan, ubay-ubay usab ang nakapahimulos sa libreng medical check-up, ibot sa ngipon, nakahatagan sa reading eye glasses, libreng binhi sa bayabas ug lemonsito, libreng rabies vaccination, libreng tambal, arroz caldo, libreng Philhealth Registration, libreng pagrehistro sa mga wala pay birth certificate ug uban pang serbisyo sa lokal nga kagamhanan.
