Gidagsa sa bagang duot sa katawhan ang gihimong dxCC-RMN Live sa Barangay kagahapon sa alas sais hangtud alas nuybe sa buntag sa covered court sa Barangay Cugman.
Kini gisaksihan sa mga tigpaminaw dili lamang sa mga residente gikan sa Barangay Cugman kundili gikan usab sa nagkadaiyang barangay sa Cagayan de Oro, Misamis Oriental ug Bukidnon.
Nabati sa katawhan ang mga opisyales sa Barangay Cugman nga gipangulohan ni Kapitan Wendelyn Escobia.
Sa maong higayon, napaabot usab sa mga opisyales ang ilang mga hangyo ngadto sa mga opisyales sa City Hall.
Human sa programa, giapod apod usa sa dxCC-RMN ang mga ginagmayng pahalipay ug libreng snacks ilabina sa mga sayong niabot sa covered court sa Cugman.
Mihatag sa seguridad sa lugar ang mga barangay tanod ingonman ang kapulisan sa Cugman Police Station.
