Davao City – Mapasalamaton ang kabatan-onan sa Barangay 27-C, Leon Garcia Agdao atol sa gipahigayong Oplan Pinaskuhan sa Kabataan sa DXDC 621 RMN Davao alang sa pag selebrar sa National Children’s Month.
Mga padula ug pahalipay gitunol sa Team RMN ganinang alas-7 ngadto alas-9 sa buntag lakip na ang pagpanghatag og grocery ug souvenir items alang sa mga ginikanan nga labing gikalipay sa mga residente sa maong lugar.
Sa interview ni RadyoMaN Misel Galve kang Arnulfo Cabreros, usa ka amahan, miingon kini nga mahinungdanon gayod nga adunay husto nga pagdisiplina ngadto sa mga anak aron dili kini mudako nga walay batasan.
Sa lain pang interview ni RadyoMaN Misel sa usa ka ginikanan misulti usab kini nga ang husto nga pagpangga sa usa ka anak mao ang paghatag sa panginahanglan niini sama sa husto nga pagkaon, panimalay ingon man pagpaeskwela labi na ang gugma.
Karong tuiga ang tema sa maong selebrasyon mao ang Isulong: Tamang Pag-aaruga Para sa Lahat ng Bata.
RadyoMaN Abi Bibera
