Davao City – Opisyal nga gilusad karong adlawa ang DXDC Panaygon 2018 sa may Barangay Ma-a ning syudad sa Davao.
Sumala ni Misel Miral-Galve, DXDC Special Projects head, usa kini ka pamaagi sa RMN Davao isip pagpasalamat sa mga iladong listeners sa maong sibyahanan.
Subay sa pagsaulog sa kapaskohan, nagapanaygon ang Team RMN sa swerteng mga pamilya matag Sabado diin motunol usab og special gift packs ngadto sa mga mabisitang panimalay.
Dugang sa special projects head nga dili lang kini tungod sa paghimo sa DXDC isip numero uno sa kahanginan apan gumikan sa ilang kanunay’ng pagpaminaw.
Gani karong adlawa, malipayon ug nalingaw ang Pamilyang Labador sa Brgy. Warius, ingon man ang Pamilya Benson sa Purok 28, Maa ning syudad human masaksihan ang masadya nga presentasyon sa DXDC RMN Davao ngadto kanila.
RadyoMaN Jason Amisola
