DXDC ‘Spin and Win’ gilusad

14

Davao City – Opisyal nga gilusad karong adlawa, Oktubre 13, ang bag-ong pahalipay sa DXDC 621 RMN Davao alang sa mga kabarangayan sa syudad sa dakbayan.

Sa programang ‘Serbisyong Straight to the Point’, unang nasulayan sa mga residente sa Barangay Isla Suerte, Times Beach, Bucana, Davao City ang pagpatuyok sa roleta sa DXDC ‘Spin and Win’ promo.

Sumala ni RadyoMaN Misel Miral, Special Projects Head sa DXDC Davao, igo lamang buhaton sa mga partisipante ang pagpatuyok sa roleta nga gi-andam sa Team RMN sa kabarangayan diin dako ilang tsansa sa pagdaug sa mga grocery ug souvenir items gikan sa DXDC.

Gani mapasalamaton si Robert Langi sa maong pahalipay gumikan dakong tabang na ang mga grocery items alang kanila sa pang-adlaw-adlaw nga panginahanglanon.

Atangi ang Team RMN sa inyong mga barangay kay basin diha na sunod ilusad ang pagpanghatag og pahalipay.

RadyoMaN Jason Amisola

Facebook Comments