Giapod-apod na sa DyHP ug I-FM ang mga hinabang alang sa mga nasunugan sa Barangay Camputhaw sa dakbayan sa Sugbu kagahapon .
Ang mga hinabang naglangkob sa mga sapot , bugas ug grocery items nga girepack alang sa matag pamilya .
Ang 250 ka girepack nga mga hinabang gitampo-tampohan sa mga tigpaminaw sa DyHP ug I-FM aron ihatag sa mga biktima sa sunog nga kasamtangan nga nagpuyo sa Camputhaw gym .
Gawas sa mga hinabang , lamiang”pospas with egg” ang gi-snacks sa mga biktima sa sunog samtang nagpadayon ang pag-apod-apod sa mga hinabang.
Sa wa pa nila madawat ang mga relief goods gilingaw una sila ug pakatawa sa mga artista sa DyHP uban ni Goliat ug Guilly Del Mar .
Ang station manager sa DyHP nga si Atty.Ruphil Bañoc maoy nangu sa pag-apod-apod sa mga hinabang.
