Muling nag-ikot ang DZXL RADYO TRABAHO team sa iba’t-ibang tanggapan ng PESO o Public Employment and Services Office sa Metro Manila.
Ngayong hapon, mainit na tinanggap ng Las Piñas City PESO sa pangunguna ni Manager Redante “Red” Garcia ang RT Team.
Dito inilatag ng ating grupo ang mga programa sa DZXL RADYO TRABAHO. Kabilang na ang Meet the Boss, RMN Centro Serbisyo at Usapang Trabaho, gayundin ang pagbibigay natin ng trabaho sa segment na Job Openings.
Bukas naman ang tanggapan ni Manager Garcia sa konseptong ito at handa silang makipagtulungan sa magandang hangarin ng DZXL na pagtulong sa ating mga kababayan na walang hanapbuhay.
Sa mga gusto din na magkaroon ng trabaho, tumutok lang sa DZXL Radyo Trabaho o magpunta sa aming himipilan sa 4th floor Guadalupe Commercial Complex, Guadalupe Nuevo, Makati City.
Maaari niyo ring i-send ang kopya ng inyong resumé o bio-data sa radyotrabaho@gmail.com at tumawag sa aming RT Hotline – 882 2370 o magpadala ng mesahe sa RT Textline 0967-372-9017…
Sa Radyo Trabaho, trabaho lang walang personalan!
