Muling aarangkada at mag-iikot ang DZXL Radyo Trabaho team ngayong umaga sa apat na mga Barangay sa Pasay City para sa “Katok-Bahay, Sorpresa Trabaho.”
Bibisitahin ng grupo ang Barangay 40, 41, 43 at 46 sa Pasay City.
Sa aming pagkatok, ihanda ninyo na ang inyong resume dahil tutulungan namin kayong makahanap ng trabaho.
Sa pagkatok namin sa inyong bahay, masusorpresa kayo dahil mamimigay ang Radyo Trabaho Team ng exclusive Radyo Trabaho wall clock at limited Radyo Trabaho mugs sa maswerteng residente.
Bago ang aming pag-iikot ay magko-courtesy call muna ang aming grupo sa mga barangay chairman sa apat na barangay.
Ito na ang pang-anim na labas ng Radyo Trabaho Team kung saan unang sinuyod ng aming grupo ang 145, 179, 180, 184, 186, 172, 175, 177, 161, 162,158 at 183 sa Pasay City.
