E-bike driver patay human ang multiple vehicular accident sa R. castillo Agdao, Davao City

Dead on the spot ang usa ka Eduardo Zagado, 64-anyos, residente sa IPIL Beach, Brgy. Duterte, Davao City human kini nabanggaan ug napasok ilawom sa usa ka Public Utility Jeepney (PUJ) karong lang ala una sa hapon, October 9, 2023 sa may R. Castillo, Agdao ning syudad sa Davao.

Sa impormasyong gipadala gikan sa Sta. Ana Police Station, nasayrang gikan sa Agdao Flyover ang mga nalambigit nga sakyanan sa dihang nibangga ang maong jeep nga gimaneho sa usa ka Lolito Maglacon ngadto sa E-bike, sa lain pang sidecar ug sa isa ka motorsiklo.

Gilayong nalagpot ug naguyod ang E-bike driver nga si Zagado, 220 ft ang gilay-on gikan sa gihitabuan sa disgrasya hinungdan sa iyang hinanaling kamatayon.

Hinuon, anaa na sa luwas nga kahimtang ang driver sa motor ug ang mga pasahero sa sidecar lakip na ang 11-month old nga bata human sila nakahiagom og mga samad sa kalawasan.

Sa pagkakaron, naa na sa Rivera Funeral Homes ang patay’ng lawas sa biktima ug anaa na usab ang driver sa jeep sa kustodiya sa Sta. Ana PNP alang sa tukmang disposisyon.

RadyoMaN Ivy Parido