Gipahibawo ni Presidente Rodrigo Duterte atol sa Labor Day nga mensahe niini ang pagpagawas sa usa ka Executive Order nga nagmando sa pagtapos sa “end of contract” o Endo atol sa iyang speech sa IEC Convention Center sa Mabolo,sa syudad sa Sugbu.
Si Labor Secretary Silvestre Bello III maoy nibasa sa unod sa E.O. sa wa pa ihatud ni Duterte ang iyang speech .
Ang E.O. hugot nga nagdili sa illegal contracting ug subcontracting og pamaagi sa employer nga magwagtang sa katungod sa usa ka trabahante alang sa security of tenure .
Sa samang higayon gimando usab sa president ngadto sa Department of Labor and Employment kon DOLE sa pagduso ug listahan sa mga kompaniya lukop nasud nga nipatuman ug labor only contracting ngadto sa ilang mga empleyado .
Niawhag usab si Duterte sa kongreso ngadto sa kongreso nga tun-an pagbalik ang Labor Code sa nasud nga iyang gihulagway nga karaan na aron mohimo ug kausaban pagpahaum niini sa panginanglan sa modernong panahon .
Giinsister sa presidente nga wa siya motalikod sa iyang gisaad sa kampaya nga pagpaundang sa Endo aron tagaan ug proteksiyon ang mga mamumuo sa nasud.
