Boracay Island – Arestado it mga taga Malay PNP rong sangka eaeaki matapos nga magbaligya it ginaptihan marijuana sa ginpatigayon ng buy-bust operation kaina it aga-aga sa Sitio Bantud, Brgy. Manocmanoc, Boracay, Malay, Aklan.
Rong suspek nakilaea kay Silvino Saus Jr., 29-anyos, residente it Brgy. Aslum, Ibajay ag temporary nga naga istar sa Brgy. Balabag, sa nasambit nga isla.
Gin aresto rong suspek matapos nga magbaligya it daywa ka sachet it ginapatihan marijuana sa mga kapulisan kabaylo it P1, 600.00 nga buy-bust money.
Samtang sa ginpatigayon nga body search sa suspek hay nabuoe pa gid ro sangka sachet.
Suno sa suspek bukon it ana ro nasambit nga mga items.
Sa makaron hay una eon sa kustodiya it Malay PNP rong suspek ag magapangatubang it kasong pagbayolar sa RA 9165 ukon Comprehensive Dangerous drugs Act of 2002.
#TatakRMN
