Kalibo, Aklan — Arestado rong sangka eaeaki kahapon it hapon matapos nga madakpan it baril sa banwa it Kalibo.
Nakilaea rong suspek kay Joenel Ibaus y Placido, 32-anyos ag residente it Brgy. Libang sa banwa it Makato.
Sa report it Kalibo PNP nga samtang tagapatigayon it pag duty sanday PO1 Elimar Salibio ag PO1 Anthony Alba sa may Roxas Avenue corner C. Laserna St., Kalibo hay andang nakumpiskahan ro nasambit nga suspek it sangka 38 caliber revolver nga smith and wesson ag uwa it serial number nga loaded it 3 ka cartridges cases it 38 calibre nga may itom nga holster ag nakasueod sa sangka pouch.
Matapos nga madakpan hay gin beripeka ag napaslawan si Joenel nga maka pakita it nagakaigo nga dokumento sa paghupot it baril.
Si Joenel hay detained sa lock up cell it Kalibo PNP ag magapangatubang it kasong pagbayolar sa R.A. 10591 samtang rong mga na recover nga items hay gin turn over sa Aklan Provincial Crime Laboratory Office para sa ballistic ag gun powder residue examination.
