Eaeaki nakit-ang patay sa banwa it Ibajay

Ibajay, Aklan — Nagapadayon makaron rong imbestigasyon it Ibajay PNP angot sa nakit-ang patay sa Brgy. Regador, Ibajay, Aklan kahapon.
Ro biktima nakilaea kay Luvimin Perucho, 53-anyos ag residente it Sitio Atason, Naisud, Ibajay, Aklan.
Nakitaan raya it lastro sa dughan nga tuga it pagbaril.
Sa inisyal nga report it Ibajay PNP pinaagi kay PO2 George Regalado Jr., nga nakita rong bangkay it biktima sa bukid nga parte it Sitio Itigban sa nasambit nga barangay.
Sa pagpangusisa it SOCO -Aklan sa crime scene may narecover nga sangka homemade 12 gauge pistolize hand gun mga sang metro halin sa bangkay, 3 ka mga bala kon sa siin ro sambilog hay ginakumkom sa waeang alima it biktima ag ro 2 hay sa boesa ag holster.
Ginpaidaeom eon man sa paraffin test rong bangkay para nga masayuran kung raya hay nakapaeopok gid man it baril.
Nag request man eon rong Ibajay PNP nga ipaidaeom sa autopsy examination rong bangkay para masayuran pa gid ro gintunaan ko kamatayon na kara.
Nasayuran nga ulihing nakita ro biktima nga buhi ko Sabado it mga alas 8:00 rong gabii.
Samtang nasayuran mat-a sa asawa it biktima nga si Mejetabel Perucho nga bago pa man matabo rong krimen hay andang napan uhan ro kakaibang panghueagon it biktima.
Sa makaron hay indi pa raya matumod kung nag suicide gid man ro biktima nga naunang napabalita ukon hungod nga binaril.

Facebook Comments